Mahimbing
Ramon Parica Jr.
O anong sarap sa pakiramdam
ang ikaw ay pagmasdan
sa kalagitnaan ng iyong
mahimbing na pagkakatulog
habang ang saliw ng musika
ay tumatagos sa bawat pusong
may taglay na pagibig
Pinakikinggan ang pagdaloy
ng mainit mong paghinga
at pinakikiramdaman
ang bawat pagtibok
ng puso mong may may ari ng iba
Nakatingin sa iyong mukha
habang ang mundo ko’y
di maapuhap sa kawalan
maari bang ika’y
maging akin na lang
pagkat lungkot na
taglay mo’y di ko
mapigilang pagmasdan
tula sa malayang taludturan
walang ritmo,
sukat at tugma
para sa mahimbing na kerubin.
Comments!!!